Наилә Ахуновага 65 яшь.«Язлар дәвамы» китап күргәзмәсе.

Наилә Гарифҗан кызы Ахунова 1959 елның 12 июнендә Наилә Әлмәт шәһәрендә язучы Гариы Ахунов гаиләсендә туа. 1968 елда алар Казанга күчеп кайталар. 1975 елда Наилә 126 нчы номерлы урта мәктәпне һәм 4 нче номерлы сәнгать мөктәбен тәмамлый. Үзенең тәүге шигырьләрен һәм проза әсәрләрен ул 1970 еллар башында "Пионер" журналына җибәрә. Аннан уңай җавап алу аның күңелендә мәңге җуелмаслык эз калдыра. 1986 елда Н. Ахунова Казан дәүләт мәдәният институтының китапханәчеләр әзерли торган факультетын тәмамлый. 1985 елда яшь китапханәчеләр конкурсында җиңеп чыга.
1978-1980 елларда ул-рәссам-бизәүче, аннан соң Казан дәүләт медицина университетында һәм Казан дәүләт архитектура-төзелеш академиясендә әйдәп баручы китапханәче булып эшли. 1985-1992 елларда сәүдә һәм. медицина хезмәткәрләре мәдәният йортында китапханәчеләр профсоюзын җитәкли. Наилә соңрак"Татарские края" газетасы һәм " Казанская афиша" журналы корреспонденты, "Казанский медик" газетасының(1994-1997) баш мөхәррире.
Н. Ахунованың шигырьләре, әкиятләре республика һәм үзәк матбугатта 1979 елдан басыла башлый. "Роза и Подсолнух" дигән иң беренче әкияте 1979 елның маенда"Комсомолец Татарии" газетасында дөнья күрә. Шуннан соң әсәрләре "Библиотека", "Миша" (Мәскәү); "Казан", "Ьатарстан", "Идел", "Зонтик", "Сөембикә" журналларында, "Книжное обозрение", "Литературная Россия" газеталарында һәм башка жыентыкларда басыла. 1998 елдан Н. Ахунова ел саен"Галактика любви"дигән" республика поэзия фестивале, 2000 елдан шагыйрь һәм автор башкаручылар арасында ачык шәһәр бәйгесе уздыра.Ул 2000 елда МәскәүдәХалыкара Пушкин сәнгать фестивалендә, Росся яшь язучларның өченче форумында (Мәскәү-Липки, 2003) катнаша.
2008 елда әдәбият өлкәсендәге уңышлары өчен А. Горький исемендәге премия белән бүләкләнә.
Н. Ахунова-1997 елдан Татарстан Язучвлар берлеге әгъзасы.