«Ялкын» — киләчәкне яктырта.

"Ялкын" журналын балалар һәм яшүсмерләр генә түгел, ә өлкәннәр дә бик яхшы беләләр. Нигә дигәндә, "Ялкын" журналы — аларның да балачак журналлары ул. Кемдер аны ай саен зарыгып көтеп алып укып барган, кемдер журнал битләрендә үзенең беренче иҗат җимешләрен урнаштырган, ә кемдер "Ялкын" оештырган чараларның активисты булган. Ә кайберәүләр әле бүген дә үз китапханәсендә бу журналны саклап киләдер, күпләр өчен "Ялкын" журналы матур хатирә буларак кына сакланадыр. Китапханәдә укучылар өчен “Ялкын” — киләчәкне яктырта!” дигән мәгълүмат сәгате үтәчәк. Әлеге чарада “Ялкын” журналы белән танышып кына калмыйча, биредә алынган мәгълүмат буенча фикер алышу, күп төрле биремнәр чишү булачак. Шулай ук, журналның үткәне һәм бүгенгесе белән газета, журнал, мәкалә, язмалар, журналист кебек төшенчәләр белән танышачаклар.