Коррупцияга каршы.

   Коррупция — хәзерге заман җәмгыятебезнең кичекмәстән хәл итүне таләп итә торган иң җитди мәсьәләләрнең берсе. Аңа нинди дә булса кеше дучар булырга мөмкин: җитәкчеләр, судьялар, депутатлар, имтихан кабул итүчеләр һәм башкалар. Бу өлкәдә хокук бозучыларның барысын да бер стимул берләштерә — икътисадый табыш алу. Әмма шул ук вакытта алар фаш ителү һәм җәза алу куркынычы кичерә. Хәзерге җәмгыятьтә мошенниклык очраклары, ришвәт алу, янап куркыту, ришвәтләр белән ничек көрәшергә? Барыннан да элек, үзеңнән башларга һәм тирә-юньдәгеләрдән коррупция күренешләрен бетерүне таләп итәргә кирәк. Көрәшнең нәтиҗәлелеге хакимиятнең барлык тармакларының үзара хезмәттәшлегенә, аларның җәмгыятьне савыктыру процессы өчен җаваплылыгына бәйле.
     Югары Юшады авыл китапханәсендә "Коррупциягә каршы" дигән мәгълүмат сәгате үткәреләчәк. Китапханәче укучыларга "коррупция" төшенчәсе турында сөйләр, коррупциянең сәбәпләре һәм формалары белән таныштырыр. Чара барышында укучылар үз фикерләре белән уртаклашырлар, ачыклык өчен буклетлар, белешмәлекләр тәкъдим ителәчәк. Максат: Коррупция турында төшенчә бирү, аның билгеләре белән танышу, коррупцияне тормыш шартларында таный белү.