«Гомергә ул күңел түрендә»

Совет чоры татар балалар әдәбиятының күренекле вәкиле һәм 1941–1945 еллардагы Ватан сугышы каһарманы Абдулла Алиш (Габдуллаҗан Габделбари улы Алишев) 1908 елның 15 сентябрендә элекке Казан губернасының Спас өязе (хәзерге Татарстан Республикасының Спас районы) Көек авылында урта тормышлы игенче гаиләсендә алтынчы бала булып дөньяга килә. Абдулла тату, хөр фикерле һәм хезмәт сөючән ишле гаиләдә кечкенәдән үк зирәк һәм зиһенле малай булып үсә, алты-җиде яшьләрендә әнисеннән укырга-язарга өйрәнә, аннары авылдагы ибтидаи (башлангыч) мәктәптә укый. Кереш өлештә Бөек Ватан сугышында татар әдипләренең, үз каләмнәрен утлы корал итеп, Ватанны сакларга ташланулары, җиңүне якынайту өчен үз гомерләрен дә аямаулары турында сүз алып барыла. Теманың актуальлеге, максаты, бурычлары, өйрәнү материалы, гыйбәрәләр, эшнең ничек алып барылуы хакында сөйләнә.   Төп өлештә Абдулла Алишның  тормыш юлына һәм иҗади эшчәнлегенә кыскача күзәтү ясала. Абдулла Алишның әсирлектә фашизмга каршы шәхси көрәше батырлык, фидакарьлек үрнәге буларак халкыбыз күңелендә яши бирә, әдәби мирасы татар балалар әдәбиятының җуелмас рухи хәзинәсен тәшкил итә.