«Гаилә җылысы –китап аша»

Китап — кеше тормышында зур әһәмияткә ия. Югары технологияләр, компьютер заманында кеше барыбер китапсыз, китап укымыйча яши алмый. Ләкин, шулай булса да, күзәтүләрдән чыгып, әйтеп була: балалар башлангыч сыйныфларда күбрәк укырга тырышсалар да, үсә төшкәч, көннән-көн азрак укый башлыйлар. Әдәби китапны азрак уку, ул баланың интеллектуаль үсешен тоткарлый, мәсьәлә биремнәрен акрын укый, дәрестә иптәшләреннән артта калуына китерә. Укуга караш, кызыксыну иң беренче гаиләдә тәрбияләнә. Чөнки иң беренче китабын бала өйдә — әти-әни кулында күрә. Беренче әкиятләрне дә әти-әни авызыннан ишетә. Һәрбер гаиләдә, кечкенә генә булса да китапханә бар. Китаплар безнең янәшәбездә генә: кулыңны гына сузарга кирәк. Алар безне ерак илләргә, маҗаралы сәяхәтләргә алып баралар, кызыклы кешеләр белән очраштыралар.Бүгенге көндә китап укымыйча гына белемле, югары мәдәниятле кеше булып буламы? Ни өчен? Бөек шагыйребез Г.Тукай “Укып барган һәрбер юлым, һәрбер сүзем була минем юл күрсәтүче йолдызым”-ди.
Ә, сез, китап укырга яратасызмы?
Ул сезгә ярдәм итәме?