«Китаплы балачак»

Март аеның соңгы атнасы балалар китабы атналыгы буларак билгеләп үтелә. Бу вакыйга балаларның язгы каникулларына туры килә һәм, балаларның ялын файдалы да күңелле дә итеп оештыру максатыннан, төрле кызыклы чаралар үткәрелә. Илебезнең балалар әдәбиятында иң әһәмиятлеләрдән саналган бу чара оештырылуга 25 мартта 80 ел тула. Атналык балаларны программа белән таныштыру һәм яңа китапларга күзәтү белән башланып китә. Кече яшьтәге балалар өчен «Туган көнең белән, Китап!» дип исемләнгән китап укучы һәм тамашачы конференциясе С. Я. Маршакның 100 еллык тарихы булган «Сказка о глупом мышонке», «Детки в клетке», К.И. Чуковскийның «Мойдодыр», «Муха-Цокотуха», «Тараканище “китаплары буенча үткәреләчәк. “Балачак китаплары» исеме астында юбиляр язучылар (Я.Инәгәй, Ә.Бикчәнтәева, Х.Халиков, Д. Аппакова, Н.Мадьяров, Р.Миңнуллин, А.Алиш һ.б.) китаплары буенча әдәби калейдоскоп үтәчәк. Урта яшьтәге мәктәп балалары өчен А.Гринның тууына 100 ел тулу уңаеннан, «Ал җилкәннәр» әсәре буенча «Китап киштәсеннән экранга» дип аталган чара үтәчәк. «Китап геройлары бездә кунакта» дип аталган конкурста катнашучыларны төрле кызыклы сынаулар, мавыктыргыч уеннар, кызыклы китап күргәзмәләре көтә.