«Яшел чыршы дусларын җыя!» бал-маскарад

Яңа ел ул-барыбыз өчен дә көтеп алынган, иң могҗизалы бәйрәмнәрнең берсе. Һәр бәйрәмнең үзенә генә хас традицияләре бар. Яңа ел алар арасында иң бае исәпләнә. Аны күпме халык бәйрәм итә. Һәр илдә ул төрлечә үткәрелә. 30 нчы декабрьдә Адав-Толымбай авылы китапханәсе һәм мәдәният йорты хезмәткәрләре саф һавада “Яшел  чыршы дусларын җыя!” исемле Бал-маскарад, Яңа ел кичәсен уздырачак. Яңа ел бәйрәме һәр баланың, һәр олы кешенең көтеп алган иң яраткан бәйрәмнәрнең берсе. Кыш бабай, Кар кызы, бүләкләр, бизәлгән чыршы — бәйрәмнең күрке. Һәр елны Яңа ел бәйрәмен каршылауга зур әзерлек эше алып барыла.  Авылыбызны төрле кар сыннары, төрле-төрле утлар, матур  чыршылар белән бизибез. Кичәдә авылыбызның үзешчән артистларыбыз, кайткан теләге булган кунакларыбыз, җыр-биюгә, шигырь сөйләргә оста булган укучыларыбыз катнашачак. Төрле уен-бәйгеләр белән алып барылачак. Яңа ел барыбызга да уңышлар, бәхетләр алып килсен иде!

Котлы булсын Яңа ел!

Гел шатлыктан торсын ул,

Бәхетле һәм мул тормышка

Күрсәтсен ул яңа юл.

Яңа ел котлы булсын!

Чыршылар балкып торсын!

Йолдызлар да, елмаешып,

Игелек теләп торсын!