«Истәлек альбомы ачык»

«Истәлек фотосын  саклыйм, Кадерле бүләк кебек. Чөнки аннан миңа елмаеп, Яшьлегем карый көлеп!» — дип яза шагыйрә Рушания Әхмәдуллина. Авылдашларыбызның фото альбомнарында, истәлек һәм җыр дәфтәрләрендә, сакланган кадерле фотолардан  китапханәдә «Авылыбызның үткәне –фотоальбом һәм дәфтәр битләрендә» дип исемләнгән күргәзмә төзелде. Еллар узган, ул вакытлар еракта калган, шулай да вакыт узса да, ул фотоларда авылыбызның үткәне тасфирланган. Тик сүрәтләр  генә, күптәнге истәлек булуын хәтерләтеп, саргылт төс алган. Ә хәзер, кызганыч, фотоларны беребездә ясатмыйбыз, ясаткан очракта да моны сирәк кеше генә эшләргә мөмкин. Чөнки телефон, интернет хакимлек иткән заманда яшибез. Әмма анда сакланган фотолар сакланмый я телефон ватыла һәм башка сәбәпләр дә килеп чыга. Ә фотоальбом һәм  истәлек дәфтәрләре югалмый, кадерле ядкәр булып саклана.