«Гариф Гобәй–язучы, тәрҗемәче»

 Г.Гобәй балалар әдәбиятына утызынчы елларның беренче яртысында авылдагы сыйнфый көрәш мотивларына нигезләп язылган «Каланча» исемле повесте белән килеп керә. Аннары аның бер-бер артлы яңа әсәрләре— повестьлары языла. Бу әсәрләр, бигрәк тә «Маякчы кызы» повесте, берничә буын балаларның иң яратып укый торган китапларына әверелеп, авторына зур популярлык китерәләр, аны татар балалар әдәбиятының күренекле вәкиле итеп таныталар. Г.Гобәй атеистик тәрбия проблемаларына багышланган «Коръән серләре» исемле күләмле публицистик китап авторы буларак та билгеле. Г. Гобәй әдәби тәрҗемә өлкәсендә актив эшләгән язучы. Ул «Мең дә бер кичә» китабын, М.Твенның «Том Сойер маҗаралары», Г.Бичер-Стоуның «Том агай алачыгы», А.Первенцевның «Честь с молоду», А.Мусатовның «ЗерНа счастья», А.Толстойның «Петр Первый» кебек повесть һәм романнарны татар теленә тәрҗемә итте.