Шагыйрь Р.Мингалимның тормыш юлы һәм иҗатына күзәтү

15 нче август көнне татар шагыйре, драматург, Татарстанның халык шагыйре, Г.Тукай исемендәге дәүләт премиясе лауреаты  Рөстәм Мингалим тууына 85 ел тула. Шул уңайдан китапханәдә Р.Мингалимнең тормыш юлы һәм иҗатына күзәтү үткәреләчәк. Язучының китаплары, балалар өчен язган әсәрләре белән таныштырылачак.

Р.Мингалим иҗат эшчәнлегенең башлангыч чорларыннан алып хәзергәчә балалар әдәбиятында, проза һәм драматургия жанрларында бердәй актив эшли. Балаларга атап язган тезмә әсәрләре һәм шигъри әкиятләре аның «Әйт, Кояшым!», «Ә сәгать келт-келт итә» (1968), «Уйларга кирәк» (1971), «Төнге әкият» (1973), «Бәхетле исем» (1977), «Исәнме, әткәй!» (1979), «Галстуклы кәҗә» (1992), «Учыма алган энҗе» (Уфа, 1995), «Их, Самара яклары!» (1998) кебек аерым җыентыкларында һәм сайланма тупланмаларында урын ала.