Авылым кичлэре

Шланга авылында мөлаем, ягымлы, гореф-гадәтләрне барлап, яшь буынга өйрәтеп калдырырга омтылып яшәүче кешеләр гомер кичерә.
Халкыбызның борынгы йолалары, гореф-гадәтләрен саклап калу белән бергә авыл җирлекләрендә тырыш, эшчән- уңган кешеләрнең төрле эшләреннән бизәлгән күргәзмэ ясап, андагы һәр башмак, бизәкле урындык япмалары, мунчала, өс киемнәре, зур һәм кечкенә вазаларга утыртылган сәйлән гөлләмәләре, бәхет дагасы, акварель һәм төсле чигештән ясалган картиналар да бар иде.
Гади авыл өе. Һәр җирдә чисталык, пөхтәлек хөкем сөрә. Әллә нинди зиннәтле әйберләр булмаса да, аннан нур бөркеп тора һәм барысы да килешле итеп үз урынын тапкан. Менә ул чигешле мендәрләр күпертеп куелган карават, шкаф өстендә хәзер-хәзер уйнап китәм дигән сыман тальян гармун тора, өстәлдә парларын күтәреп самавыр чыжлый…  
Эңгер-меңгер төшеп, авыл өстен караңгылык сара башлагач, егет-кызлар клубка юл алды. Менә бер төркем кызлар, алар арасында кунакка кайтучы гүзәлләр дә бар. Дуслар, ахирәтләр бер-берләре белән күрешəлəр, матур күлмәкләре хакында сүз алышалар. Кичке уенда кемнең күңелендә нинди серләр яшеренүе, кемнең кайда баруын, авылда нинди хәлләр майтарылуы хакында аралашып, “чыбыксыз телефон” хәбәрләрен барлап алалар. Монысы инде аеруча да күңелле мизгелләр. Яшь чакны юкка гына ялкын кебек дөрләп торган вакытлар дип әйтмиләр шул.