Презентация книги «Тарихта калган еллар»

Арчаның халыкка көнкүреш хезмәте күрсәтү оешмасы тарихы КБО.  Китап авторлары: Әминә Гаффарова, Ленар Гобәйдуллин

1965 елның 15 маенда СССР Министрлар Советының «О мерах по улучшению работы предприятий бытового обслуживания населения» дип аталган карары чыга. Шул ук елда илебездә махсус министрлыклар — «Минбыт»лар оештырыла башлый.

Төрле елларда Арча көнкүреш хезмәте күрсәтү комбинаты, аның филиаллары түбәндәге
эшләрне башкарган:
— киемнәрне индивидуаль тегү һәм ремонтлау;
— күн һәм резина аяк киемнәрен индивидуаль тегү һәм ремонтлау;
— ярымфабрикатлардан трикотаж әйберләр бәйләү;
— металлдан әйберләр (торбалар, баклар, мичләр) хәзерләү;
— истәлек ташлары, чардуганнар ясау;
— киез итек басу;
— мамыктан матрац, юрган сыру;
— баш киемнәре, шторлар тегү;
— фоторәсемгә төшерү һәм парикмахер хезмәте күрсәтү;
— химик чистартуга заказлар кабул итү һәм кием-салымны ману;
— мамыктан шәл бәйләү һәм йон тетү;
— күн галантерия һәм мех әйберләре тегү;
— киемнәрне бизәү һәм чигү;
— киемнәрне яңарту;
— тегү машиналарын һәм приборларны ремонтлау;
— металлны газ һәм электр белән эретеп ябыштыру;
— йортларны су белән җылыту җиһазларын монтажлау;
— фоторәсемнәрне зурайту;
— фотосурәтне керамикага күчерү;
— транспорт хезмәте күрсәтү.