«Әхлак сагындагы шагыйрә» дигән китап күргәзмәсе төзергә

 Танылган язучы, Татарстанның атказанган сәнгать эшлеклесе, Татарстан Язучылар берлеге әгъзасы, Абдулла Алиш һәм «Бәллүр каләм» премияләре лауреаты Йолдыз Әдип кызы Шәрәпованың иҗатына багышлап «Әхлак сагындагы шагыйрә»дигән китап күргәзмәсе төзергә.«Аппак белән Шапшак», «Җавапсыз сорау», «Колаклы коймаклар», «Китаплы кич», «Каен алмасы»–шундый исемле китаплар күргәзмәдә урын алачак.Бу китапларда балалар һәм ата–аналар, Ватан һәм мәктәп, табигать һәм Интернет турында мәзәк һәм җитди сүзләр белән язылган шигырьләр.Бу китапларның барысын да балалар язучысы Йолдыз Шәрәпова язган.Аның балалар өчен язылган 16 китабы бар.Беренче китабы «Антенналы бәрәңге»дип аталып, 1994 елны басылып чыга.Бу китап «Ел китабы»бәйгесендә икенче урын ала.Балалар өчен иҗат итүче шагыйрә балаларның эчке дөньясын яхшы белә.Йолдыз Шәрәпова шигырьләр балалар күңелен күптән яулады инде.Шагыйрәнең һәр яңа әсәрен балалар да, өлкәннәр дә түземсезлек белән көтеп ала.Бүгенге көндә ул балалар әдәбиятының билгеле, җитди шагыйре булып өлгерде.Аның шигырьләре төрле антологияләргә, уку дәреслекләренә дә кергән.Ул укучылар белән очрашуларда еш була.Йолдыз биш бала анасы.Аның шигырьләре уйлап чыгарылмаган, барысы да  тормыштан алынган.Танылган шагыйрә 10 апрель көнне 60 яшен каршы ала.