Хуш килэсен Нэуруз

Алып баручы: Кадерле балалар, кунаклар! Без бүген сезнең белән Нәүрүз бәйрәменә җыелдык. Язның көн белән төн тигезләшкән вакыты, 21-22 март көннәрендә үткәрелә ул бәйрәм. Нәүрүз- язны каршылап, язгы чәчү эшләре башланыр алдыннан үткәрелә торган халык бәйрәме ул.

Борын үткән заманнан,

Болгар белән Казаннан,

Җаек белән Иделдән

Бу бәйрәм безгә килгән.

Нәүрүз мобарәкбад!

1.Әминә: Әйдә, кояш, сип нурыңны

                  Кызганма бер дә.                                                   

                 Зур бәйрәм, күңелле бәйрәм

                 Нәүрүз бүген бездә.

2 Таңсылу: Яз килә! Яз килә!

                     Сыерчыклар килә.

                     Гөрләшеп, сайрашып

                     Җырчы кошлар килә.

3 Амелия: Яз килде, кояш көлде,

                   Дөньяга нур бөркелде.

                   Уянды бар агачлар,

                   Куанды алмагачлар.

4 К.Ислам: Алтын нурларга төренеп,

                    Яз килә, яз килә

                     Шат  балаларга карап,

                     Кояш көлә, кояш көлә.

Җыр: “Яз җитә ”

5 Сәйдәш: Чәчәкләр белән күмелсен

                     Без яшәгән ил

                     Тизрәк кил безгә, җылы яз,

                     Тизрәк-тизрәк кил!

6.Нәргизә Яратыгыз көзне дә,

                   Яратыгыз кышны да,

                   Яратыгыз җәйне дә,

                   Яратыгыз язны да.