Балалар язучысы, шагыйрь Х. Ш. Халиковның тууына 85 ел «ИҢ ШАТЛЫКЛЫ КӨННЭР» әдәби кичә

Балалар язучысы, шагыйрь, ТАССРның атказанган мәдәният хезмәткәре, Татарстан Язучылар берлегенең А.Алиш исемендәге премияселауреаты Хәкимҗан Шәяхмәт улы Халиковның тууына 85 ел “ИҢ ШАТЛЫКЛЫ КӨННЭР” дигән темага әдәби кичә оештырырга.Беренче шигырьләре вакытлы матбугатта 1960 елларда басыла. Халиков балалар өчен төрле жанрларда яза: санамышлар, тизәйткечләр, табышмаклар, җырлар, әкиятләр. Халиков мәңгелек кыйммәтләр, кеше яшәешенең төп закончалыклары, табигатькә сакчыл мөнәсәбәт, яхшылыкның яманлыктан өстен булуы, бәхет турындагы уй-хисләрен образлы һәм эмоциональ рәвештә, балалар аңларлык формада үзенең яшь укучысына җиткерә белә. «Йолдызлар ничәү?» (1969), «Шук бабай» (1970), «Тынычлык гөле» (1971), «Энәбикә» (1973), «Озын колаклы батыр» (1974), «Эшләпәле дуслар» (1976), «Конфет агачы» («Конфетное дерево», рус теленә тәрҗемәдә, 1977), «Иң шатлыклы көнем» (1983), «Канатлы мәче» (1989), «Зиһен ачкычлары» (1993), «Сакчы күркә» (1997), «Сакаллы малай» (2002), «Иң гадел дус» (2005), «Канатлы куян» (2007) җыентыклары авторы. Әйтергә кирәк, балалар әдәбиятында Х.Халиков иҗат иткән өлкә шактый катлаулы. Чөнки кече яшьтәге балалар өчен язуның үз таләпләре һәм кануннары бар. Материал сабыйга таныш, сүрәтләнгән тирәлек якын булырга тиеш. Бу юнәлештән караганда шагыйрьнең табигать, кош-корт, хайваннар турындагы шигырьләре аеруча кызыклы, мавыктыргыч.